Парфемот нанесувајте го директно на кожата, на одредени точки од телото кадешто може да го почувствувате неговото дејство. Правилно е парфемот да го нанесете на пулсирачките зони, односно на оние точки од телото кадешто можете да го почувствувате пулсот. На овој начин парфемот се шири и бранува со секое отчукување на вашето срце.

Парфемот практикувајте да го нанесете на адекватни делови од телото: на зглобовите, зад ушите, на вратот и на внатрешноста од лактите. Можеби досега не сте знаеле, но косата исто така има својство на долготрајна апсорбција на парфемот.

По нанесувањето, никако немојте да го триете местото каде што сте го нанеле парфемот (пр. триење на левата дланка со десната). Со триењето ги уништувате молекулите, односно хемискиот состав и се губи неговото дејство. Доволно е само да го нанесете и да почекате самиот да се впие во кожата.

Шишето од парфемот чувајте го подалеку од сонце и светлина,затоа што на тој начин подолго ќе ги зачувате неговите својства. Избегнувајте да го чувате во бањата, бидејќи влагата му пречи на парфемот. Препорачливо е да го чувате во оригиналната амбалажа, на темно и суво место, добро затворен.

Доколку и покрај тоа чувствувате дека парфемот не се задржува доволно долго на вашата кожа, пред да го нанесете, намачкајте го телото со неутрален лосион, а потоа нанесете го парфемот. Влажната кожа подолго го задржува мирисот, па така парфемот ќе остане подолготраен.

Парфемот не треба да биде последниот чекор од вашето разубавување. Имајте на ум дека некои парфеми оставаат флеки врз облеката. Освен врз облеката, парфемот може да остави траги и врз бисерите, металот и останатите камења кои се користат при изработка на накит. Хемикалијата од парфемот може да предизвика губење на сјајот на накитот и промена на бојата. Затоа препорачуваме секогаш парфемот да го нанесете пред да се облечете и пред да го ставите вашиот омилен накит