Пребарување
Filters
Close
RSS

Блог за убавина

Максимален волумен и чиста коса со производите од брендовите URTEKRAM и DR.KONOPKA'S

Здраво драги мои,

со промената на годишните времиња секако се менува и негата на нашата коса, особено производите кои ги користиме за таа намена. Освен студеното време (кое и не е претерано студено ако се земат предвид претходните зими), голема улога игра и загадениот воздух кој додатно го влошува квалитетот, здравјето и убавината на нашата коса. Во овој период потребни се производи коишто најнапред убаво ќе ја исчистат косата од загадениот воздух, меѓутоа истовремено нема да ја исушат косата (напротив зимно време од огромна важност е хранливата моќ на производите за миење кои додатно ќе го заштитат влакното од студот).

PULP DE VIE - Витаминска бомба за вашата кожа

Здраво драги мои,

премногу сум возбудена да ви претставам една нова прекрасна природна и органска марка на козметика која содржи од 99,59 до 100% состојки од природно потекло (повеќе од било која што досега сум ја рецензирала) со прекрасни благи формули и неверојатен ефект врз кожата на лицето. Станува збoр за француската марка Pulp de Vie. Оваа марка на природна и органска козметика носи два сертификати за органска козметика и тоа: EcoCert i Cosmebio. Пред да продолжиме понатаму со рецензиите, најнапред би сакала да ви разјаснам што всушност значи да се има два сертификати и каква гаранција добивате за производите кои ги носат. Ова е многу важно за сите нас, портошувачите,  со оглед на тоа што сакаме да бидеме заштитени и да купуваме производи со најдобар квалитет според светски стандарди.

Коса без првут во 4 чекори со производите од DR.KONOPKA'S
Здраво драги мои,

колкумина од нас колку и да сме убаво облечени, дотерани и чисти, се почувствувале навистина непријатно знаејќи дека имаат проблем со првутот, со оглед на тоа што претставува проблематика видлива на прв поглед. Косата е заштитен знак и од огромна важност за секоја жена, и здравата и убава коса не прави да се чувствуваме поубаво и посигурно. Не е ни чудо што, кога жените сакаат да променат нешто во својот изглед скоро секогаш започнуваат од косата. Секако, голем е бројот и на мажите кои страдаат од оваа проблематика и кои сепак се чувствуваат непријатно кога имаат првут.
Комплетна анти ејџ нега на кожата со DR. KONOPKA'S
Здраво драги мои,
 
откако пред извесно време на форумот фемина објавив дека моментално ги тестирам анти ејџ производите за лице на Др. Конопка од кои сум презадоволна (особено од серумот), добив многу барања што побрзо да објавам статијата со рецензија за истите. Па еве ме драги мои, сѐ за вас. 
Станува збор за една линија која е сертифицирана органска и што е најважно со одлична цена, наменета за сите оние кои не можат да си дозволат скап органски производ за лице, а сепак не сакаат да се одречат од квалитетот и задоволувачкиот ефект на производот. Производите кои денес ќе ви ги претставам: серумот за лице со екстракт од љубичица, кремот за лице за анти ејџ нега и регенеративниот крем за нега на кожата околу очите, не само што имаат одлична цена, туку и одлична декларација и ефект врз кожата. Да не должам многу, ајде да започнеме.
 
Еколошки чист дом со средствата на ORGANIC PEOPLE

Поголемиот дел од нас не обрнуваат внимание на средствата за чистење на домовите и купуваат она што прво ќе им дојде при рака или пак се поведени од некоја реклама. Токму затоа понекогаш нашите домови се многу позагадени од надвор поради поголемата концентрација на штетни хемиски состојки како резултат на комерцијалните средства за чистење. 

Кажете му збогум на првутот со овие два производи на URTEKRAM и DR.KONOPKA'S
Здраво драги мои,
 
првутот е една од најомразените проблеми на косата, кој меѓутоа е доста распространет и голем е бројот на мажи и жени кои страдаат од оваа непријтна појава. Освен тоа што претставува многу неестетска појава, првутот претставува и еден вид на вистинска "болест" на темето на косата. Може да се појави како резултат на стрес, хормоналнa промена, неправилна исхрана или пак како реакција на темето на главата на одредени производи: преагресивни шампони, производи кои содржат алкохол (пени, лакови за коса) итн.
 
Кажете му СТОП на опаѓањето на косата со шампонот и серумот на DR.KONOPKA'S

На пазарот се нудат голем број на шампони и додатни третмани за оваа проблематика, меѓутоа секојпат кога сум добила барање за совет сум била во недоумница што да препорачам, бидејќи голем дел од производите за оваа намена (скоро 90%) не се на природна база и содржат силикони, парабени или пак акгресивни сурфактанти. Епа драги мои, веќе не сум во недоумница благодарение на органската марка Dr. Konopka's која неодамна ја отркив и истестирав врз себе. Со оглед на тоа што прват ви ја претставувам оваа марка, би сакала да кажам збор два за истата и подобро да ве запознаам со филозофијата и идејата на Dr. Konopka's.

Нахранета и еластична кожа на телото со помош на DR.KONOPKA'S

Важно е во текот на целиот летен период да ја храниме и хидрираме кожата со вистински производи за таа намена, со цел да ја оддржиме убава, еластична и свиленкаста. Токму затоа во оваа статија би сакала да ви предложам два прекрасни производи кои ќе ја спасат вашата кожа во текот на целит летен период, односно хранливиот путер и хидратантниот крем од органската марка Др. Конопка.

Здрава насмевка и бели заби со правилна нега и природни производи на URTEKRAM

Оваа статија ќе биде малку поинаква и ќе ја посветам на правилна нега на нашите за и кои се многу важни не само за убав изглед (ако сме убави а имаме лоши заби џабе ни е сѐ) туку и целокупата добросостојба. Статијава ја напишав заедно со Др. Мр. Ели Андонова Миланов, магистер по стоматолошки науки и сопственик на стоматолошката ординација Дорабела Естетик, која воедно е и моја сестра. Таа ќе ви даде совети од стручен аспект за правилна нега на забите, додека јас ќе ви дадам предлози за најприродни можни производи на нега на истите.

 

Кажете му збогум на целулитот со малите моќни производи на ORGANIC KITCHEN

Здраво драги мои,


едно од моите најголеми задоволства (освен тоа да пишувам за вас) е да пронаоѓам нови и пред сѐ оригинални производи за нега на лицето, телото или косата. Кога притоа истите тие производи не само што ја негуваат кожата, туку помагаат и во намалување на одредена проблематика, а згора на тоа се и навистина многу достапни како цена, задоволството е уште поголемо (скокам од радост). Токму затоа за сите вас денес имам една фантастична статија за еден од најомразените женски проблеми, односно целулитот.